ରୁର୍ବାନ୍ ଗାଆଁ : ତାଳବସ୍ତ
ରୁର୍ବାନ୍ ଗାଆଁ : ତାଳବସ୍ତ
ଏହି ମୋ ପ୍ରିୟ ଜନମ ଭୂଇଁ
ଯେଉଁଠି ଜନମ ହୋଇଛି ମୁହିଁ
" ତାଳବସ୍ତ " ତା'ର ନାଆଁ
ଏଇ ମୋର ପ୍ରିୟ ଗାଆଁ ।। ୧ ।।
ଅନତି ଦୂରରେ ଅବସ୍ଥିତ
ମାଆ ଚର୍ଚ୍ଚିକା ପୀଠ
ପାଦ ଦେଶେ ଯା'ର ଅଛି
ମହାନଦୀ ରେଣୁକା ଘାଟ ।। ୨ ।।
କଟକ ଜିଲ୍ଲା ର ବଡ ଗାଆଁ ରୂପେ
ଭୂଗୋଳ ପୋଥିରେ ପାଇଛି ସ୍ଥାନ
ଶସ୍ଯ ଶ୍ୟାମଳା ସବୁଜିମା ଘେରା
ଐତିହ୍ଯ ସମ୍ପନ୍ନ ସେ ପୁରାତନ ।। ୩ ।।
ବିଶ୍ବ ଐତିହ୍ଯ ରେ ହୋଇଛି ସ୍ଥାନିତ
ଶ୍ରେଷ୍ଠ " ଖଡି ଖଣି " ଏସିଆ ଦେଶେ
କେଡେ ସୁନ୍ଦର ମୋ ବିଶାଳ ଗାଆଁଟି
ଚନ୍ଦକା ଅଭୟା ଅରଣ୍ୟ ପାଶେ ।। ୪ ।।
ବାର ହଜାରରୁ ଉର୍ଦ୍ଧ ଜନସଂଖ୍ୟା
ପ୍ରାଥମିକ ସ୍କୁଲ ସଂଖ୍ୟା ତେର
ତିନି ହାଇସ୍କୁଲ ଛବିଶ ୱାର୍ଡ ରେ
କରି ଚାଲିଛନ୍ତି ଶିକ୍ଷା ପ୍ରସାର ।। ୫ ।।
ସାରା ଓଡିଶାରେ ହୋଇଅଛି ବଛା
ପାଞ୍ଚ ଗୋଟି ଶ୍ରେଷ୍ଠ ଗାଆଁ " ରୁର୍ବାନ୍ "
ମୋ ଗାଆଁର ସ୍ଥାନ ଦୁଇ ନମ୍ବର ରେ
ଗାଆଁ ରୁ ପାଲଟି ଯିବ ଅର୍ବାନ୍ ।। ୬ ।।
ହାସଲ କରିବୁ ମୌଳିକ ସୁବିଧା
ହେବ ଶିକ୍ଷା, ସ୍ବାସ୍ଥ୍ୟସେବା ଉନ୍ନତି
ସାହି ରାସ୍ତାଘାଟେ ଜଳିବ ଆଲୋକ
ହୋଇବ ଆମର କେତେ ପ୍ରଗତି ।। ୭ ।।
ସରକାରଙ୍କ ଏ ମହାନ୍ ଯୋଜନା
ସଫଳ ହେଉ
କେନ୍ଦ୍ର ଦେଉଥିବା ଶାବଳ ଟା ଯେହ୍ନେ
ଛୁଞ୍ଚି ନ ହେଉ ।। ୮ ।।
ଶିକ୍ଷା, ସ୍ବାସ୍ଥ୍ୟ , କୃଷି, ଗ୍ରାମୀଣ ଜୀବିକା
ଉନ୍ନତି ହେଉ
ଓଡିଶା ପ୍ରଦେଶେ ମୋ ଗାଆଁର ଗାଥା
ପ୍ରକଟୁ ଥାଉ ।। ୯ ।।
ଜନମ ହୋଇ ଏ ପୂଣ୍ଯ ମାଟି ରେ
ନିଜକୁ ଗର୍ବିତ କରୁଛି ମନେ
ଉତ୍କଳ ମାଟିର ଗୌରବ ମୋ ଗାଆଁ
ସୁବାସିତ ହେଉ ସାରା ଭୂବନେ ।। ୧୦ ।।
ସନ୍ତୋଷ କୁମାର ପ୍ରଧାନ
ସହକାରୀ ଶିକ୍ଷକ ,
ତାଳବସ୍ତ ନୋଡାଲ ଉଚ୍ଚ ବିଦ୍ୟାଳୟ
ତାଳବସ୍ତ , ବାଙ୍କୀ , କଟକ