ହଜିଯିବ କି ବସନ୍ତ
ହଜିଯିବ କି ବସନ୍ତ
ଆଦ୍ୟ ବସନ୍ତରେ ବହୁନାହିଁ ଆଉ
ମଳୟ ସୁଲୁସୁଲିଆ ,
ଶୁଭୁନାହିଁ ଆଉ କୋକିଳ କଣ୍ଠ ରୁ
କୁହୁକୁହୁ ଲମ୍ବା ରାହା ।୧।
ବସନ୍ତ ଋତୁର ଅମୀୟ ପରଶ
ହେଲାଣି ସାତ ସପନ ,
ଆଣୁନାହିଁ ଆଉ ଦେହେ ଶିହରଣ
ମଧୁ ମାଧୁର୍ଯ୍ୟ ପ୍ଳାବନ ।୨।
ଆମ୍ର କୁଞ୍ଜ ବନେ ଭରା ବଉଳ ତ
ହେଉନାହିଁ ସୁରଭିତ,
ଆମ୍ବ ବଉଳ ର ସୁବର୍ଣ୍ଣ ର ଢେଉ
କରୁନି ମୁଗ୍ଧ ଲଳିତ ।୩।
ବିଶ୍ବ ପ୍ରକୃତିର ଶାଶ୍ଵତ ପରାଣ
ସତେ କି ଯାଉଛି ହଜି ,
ଅନ୍ତିମ ଶୀତ ର ପ୍ରଣୟ ପତରେ
ପାଉନି ବସନ୍ତ ଖୋଜି ।୪।
ଶୋଭା ପାଉନାହିଁ ପ୍ରକୃତି ଅଙ୍ଗନେ
ମଧୁମୟ ଉପସ୍ଥାନ ,
ଆବୋରି ନେଲାଣି ଏ ଧରାପୃଷ୍ଠକୁ
ନିଦାଘ ର ଲେଲିହାନ ।୫।
କାଳବୈଶାଖିର କରାଳ ରୂପ ଟା
କରିଲାଣି ଅସ୍ତବ୍ୟସ୍ତ ,
ଫଗୁଣ ମାସରୁ ବହିଲାଣି ଝାଞ୍ଜି
ସତେ କି ବସନ୍ତ ଅସ୍ତ ।୬।
ସ୍ନିଗ୍ଧ ଆବେଗର ବିହୁରିତ ବାସ୍ନା
ଲହରୀ ଗଲାଣି ଛପି ,
ହଜିଛି ବସନ୍ତ କରାଳ ନିଦାଘ
ପାଦ ଥାପେ ଚୁପି ଚୁପି ।୭।
ସନ୍ତୋଷ କୁମାର ପ୍ରଧାନ ,
ତାଳବସ୍ତ ନୋଡାଲ ଉଚ୍ଚ ବିଦ୍ୟାଳୟ ,
ତାଳବସ୍ତ , ବାଙ୍କୀ , କଟକ