ପ୍ରତିକ୍ରିୟା
ପ୍ରତିକ୍ରିୟା
ପ୍ରତିକ୍ରିୟା
ଅନ୍ଧାରର ଗଭୀରତା ମାପୁ ମାପୁ
ରାତି ଆସି ଅନ୍ଧାର ଛୁଇଁଲା
ଆଲୋକର ଟିକିଏ ପରଶ ପାଇଁ
ପତଂଗର ସପନ ସରିଲା |
ଅପେକ୍ଷାର ରାତ୍ରି କାଟୁ କାଟୁ
ନୂଆ ଏକ ସୁରୁଜ ଊଂଇଁଲା
କାହା ହାତ କୋମଳ ସ୍ପର୍ଶରେ
କେବେ ମନ ଚହଲି ଉଠିଲା |
ଉତ୍ତାଳ ତରଙ୍ଗ ସମ
ଜୀବନରେ ଝଡ ଆସି
କେବେ ପୁଣି ଶାନ୍ତ ହୋଇ
ଅନୁଭୂତି ଗଲା ଲେଖି ,
କେତେ ସ୍ୱପ୍ନ କେତେ ରାତି
କେତେ ବାସ୍ନା କେତେ ଫୁଲ
ଝରି ଗଲା କାହା ପାଇଁ
ଅକଳନ୍ତି ତାର ମୁଲ |
ବ୍ୟସ୍ତତାର ଲମ୍ବା ରାସ୍ତା
ଅବିରତ କେତେ ଯାତ୍ରା
ଅବଶେଷ ଲମ୍ବା ନଈ
ଶୋଷ ଖୋଜେ ନୀରବତା |
କେହି ଜଣେ ଜୀବନରେ
ଦୁଃଖ ବାଣ୍ଟେ ପ୍ରତିକ୍ଷଣେ
ପୁଣି ସୁଖ ଝରେ ଚାରିପଟେ
ପଙ୍ଗୁ ମୋର ହାତ ପାଖେ
ସ୍ୱପ୍ନ ହସେ ରହି ରହି
ଆକାଶର ଛାତି ଛୁଇଁ
ତେଣେ ଲୁଚିଯାଏ କାହା ମୁହଁ
ଖୋଜି ମୁଁ ଯେ ପାଏ ନାହିଁ |
କେତେ ଋତୁ ସାରି ଯାଏ
କେତେ କଢି ଝଡି ଯାଏ
ବଦଳେନା ଧ୍ରୁବ ତାରା
ଅସଫଳ ଚେଷ୍ଟା ପ୍ରାୟେ ,
ଅନ୍ଧାରି ରାତିର କୋଳେ
କେହି ଜଣେ କାନ୍ଦି ଉଠେ
ତୁମେ ବି ଶିହରି ଉଠ
ଏତେ ଦୂରେ ମୁଁ ବି ଚିହିଁକି ପଡେ |