ପ୍ରେମ

ନୂଆ ନୂଆ ପ୍ରେମ ଲାଗଇ ତ ମଜା

ଆହାକି ସରଗ ସୁଖ

ଛାତି ଧକ ଧକ ହେଉଥାଏ ସଦା

ଦେଖିବାକୁ ପ୍ରିୟା ମୁଖ ।।

ସେ ଅବା ମୋହର କେଉଁ ସମ୍ପର୍କର

କରିନେଲା ମୋତେ ବଶ

ତା' ବିନା ଏ ମନ ହୁଏ ଛନ ଛନ

ଜୀବନଟା ଲାଗେ ବିଷ ।

ଆଖି ମୋ ଥିଲେ ବି ଲାଗେ ଅନ୍ଧ ପରି

ନ ଦେଖିଲେ ମୁହଁ ତାର

ତା' ମୁଖ ଚନ୍ଦ୍ରମା ପାଗଳ କରୁଛି

ସଜେଇ ମୋତେ ପ୍ରେମିକ ।।

ତା' ଚେହେରା ଦିନେ ନ ଦେଖିଲେ ମୋତେ

ଆସେ ନା ଆଖିରେ ନିଦ

ପ୍ରଥମ ଦେଖାରେ ହୃଦୟ ଭିତରେ

କରିନେଇଛି ସେ ଘର ।।

ଆଙ୍କି ଦେଲା ମନେ ଆଉ ମୋ ହୃଦୟେ

ପ୍ରେମର ନୂତନ ଚିତ୍ର

ଜାଣି ପାରିଲି ନି କେବେ ସେଇ ଛବି

ପାଇଗଲା ଜୀବନ୍ୟାସ ।।

କବି ନୁହେଁ କି ମୁଁ ପ୍ରେମିକ ବି ନୁହେଁ

ମନ ମୋ ମୁକ୍ତ ଚଢେଇ

ଭାବିବନି କେବେ ପ୍ରେମିକଟେ ମତେ

ଲେଖୁ ଲେଖୁ ଦେଲି ଲେଖି ।।