ନଦୀ

ନଦୀ ଗୋଟେ ବୋହି ଯାଉଥିବା ଇତିହାସ,

ନଦୀ ଗୋଟେ ସଭ୍ୟତାର ଅଙ୍କାବଙ୍କା ଭୂଗୋଳ I

ତୋ କୋଳରେ ଗଢିଉଠିଛି କେତେ ସଂସ୍କୃତି, 

ତୋ ଢେଉରେ ମିଳେଇଯାଇଛି କେତେ ସହର, 

ତୋ ଛାତିରେ ଜାକିଧରିଛୁ କେତେଯେ ଅପାସୋରା ଅତୀତ  I

ତୋ କୁଳୁକୁଳୁ ସ୍ଵନରେ ଚହଲି ଉଠିଛି ମାଟି, ଆକାଶ

ତୁ ମୁଖସାକ୍ଷୀ କେତେ ମିଳନ, ବିଛେଦରେ କାହାଣୀ ସବୁର  I

ତୋ ଅଫୁରନ୍ତ ଦେହକୁ ଅନେକବାର ଛୁଇଁଛି ବୋହି ଯାଉଥିବା ସମୟ, 

କିନ୍ତୁ ତୋ ପ୍ରେୟସି ଆଖି ଚହଲା ମନନେଇ 

ଯୁଗେଯୁଗେ ପ୍ରତିକ୍ଷ୍ୟା କରିଛି ମିଶିଯିବାକୁ ସାଗର ବୁକୁରେ  I

ଇତିହାସ ବଦଳିଛି, ଭୂଗୋଳ ବଦଳିଛି 

ବଦଳିଛି ମାଟି, ପୁଣି ବଦଳିଛି ଆକାଶ, 

କିନ୍ତୁ ବଦଳିନି ତୋ ପ୍ରେମର ସାଗର  I

ସେ ସାଗର ବୁକୁରେ ବାରମ୍ବାର ଏକାକାର ହେଇଛୁ ତୁ, 

ତଥାପି ସାଗରଠୁ ଭିନ୍ନ ତୁ ବଜାୟ ରଖିଛୁ ତୋ ପରିଚୟ  I