ମୋ ଓଡିଶା
ମୋ ଓଡିଶା
ଉଠ ଉଠ ଭାଇ ଭାଇ ନକର ମଠ
ଶୁଣିବାକୁ ହେବ ଉତ୍କଳ ଗୀତ ।
ପାରାଦ୍ବୀପ ଆମ ବାଣିଜ୍ଯ ଗୋଠ
ବ୍ରାହ୍ମଣୀ ଗାଉଛି ବାଜିରାଉତ ।
ନାଲକୋ ଆମର ଓଡିଶା ବଳ
ପୁଣି ରାଉରକେଲା ଇସ୍ପାତ କଳ ।
କଟକରେ ଆମ ବାଲିଯାତ୍ରା
ମହାନଦୀ କହେ ତା ସଂସ୍କୃତି କଥା ।
ଏଇ ମୋ ସୁନା ଓଡିଶା ମାଟି
କେଡେ ସୁନ୍ଦର ତା କବାଟ ତାଟି ।
କେଡେ ସୁନ୍ଦର ମୋ ଓଡିଆ ଗୀତ
କେଡେ ସୁନ୍ଦର ମୋ ପଖାଳ ଭାତ ।
କେଡେ ସୁନ୍ଦର ମୋ ଫଗୁଣ ଯାତ
କେଡେ ସୁନ୍ଦର ମୋ ବର୍ଷା ବସନ୍ତ ।
ଶସ୍ଯ ଶ୍ୟାମଳ ମୋ ସୁନା ଓଡିଶା
ମିଠା ତା ପବନ ମିଠା ତା ଭାଷା ।
ମାଟିର କାନ୍ଥରେ ଝୋଟିର ଚିତା
କହେ ମୋ ଓଡିଶା ସଂସ୍କୃତି କଥା ।
ବାରବାଟୀ ଆମ ବୀରର କଥା
ଗାଏ ଇତିହାସ ତା ଗୌରବ ଗାଥା ।
ସାହାସୀ ନେତା ମୋ ସୁବାଷ ବୋଷ
ଉଡାଇଥିଲେ ଗୋରା ଜାତିର ହୋସ ।
ପୂଣ୍ଯଭୂମି ଦେବଭୂମି ଏ ପରା
ବୀର ରକ୍ତ ପିଣ୍ଡେ ସିଏ ଯେ ଗଢା ।
କଳା ,ଭାସ୍କର୍ଯ୍ଯରେ ମୋ ଓଡିଶା ଭରା
ପଥର ନିହାଣେ ଲେଖା ସେ ପରା ।
ଯଶ ଖ୍ଯାତ ଯାର ମାଟିରେ ଭରା
ସିଏ ହେଉଛି ମୋ ଓଡିଶା ପରା ।
କୋଣାର୍କ ମନ୍ଦିର ମୋ ଜାତିର ଗାନ
ଓଡିଶୀ ନୃତ୍ଯ ମୋ ଜାତିର ମାନ ।
ଜଗନ୍ନାଥ ମୋ ଜାତିର ପ୍ରାଣ
ବିଶ୍ବ ବ୍ରହ୍ମାଣ୍ଡ ଜପେ ତା ନାମ ।
ତୁମେ ପ୍ରଭୁ ଅନ୍ତର୍ଯ୍ୟାମୀ ହେ ଜଗନ୍ନାଥ
ସାରା ବିଶ୍ୱବାସୀଙ୍କୁ ଭଲରେ ରଖ ।