ମିନତି

ଜନ ଗଣ ମନ    ହେଉ ହେ ଅମୃତ

    ସ୍ନେହ ପ୍ରୀତିର ବନ୍ଧନେ

ଲୀଳାର ସଂସାରେ   ଲିଳା ଚାଲିଥିବ

    ନ ସରୁ ଦିନ କ୍ରନ୍ଦନେ ।

ଦୁଃଖ ବିନାଶକ     ଦୁଃଖିର ସମ୍ପଦ

     ଜଗନ୍ନାଥ ପରଂବ୍ରହ୍ମ

ସଂସାରର ଦୁଃଖ      ଦୂର ସେ କରିବେ

     ନୀଳଗିରି ଦାରୁବ୍ରହ୍ମ ।

ସହଜ ନୁହଁଇ     ସଂସାର ସଉଦା

    ହାଟ ଏଠି ଭାରି ଭିଡ଼

ପ୍ରାଣୀ ପ୍ରାଣ ଧନ   ଜଗତ ଜୀବନ

    ନାମକୁ କେବେ ନ ଛାଡ଼ ।

ନାମର ମହତ୍ୱ     କଳି କାଳେ ଶ୍ରେଷ୍ଠ

    ଭଜୁଥାଅ ନିତି ଦିନେ

ନାମ ବିନା ଭାଇ   ସଂସାରେ ସଂସାରୀ

    ଦୁଃଖ ଭୋଗେ ତା ଜୀବନେ ।

ଏତିକି ମିନତି     ଶୁଣ ମହାବାହୁ

    ସଂସାରରୁ ଦୁଃଖ ଯାଉ

ଅମୃତ ଜୀବନ    ନ ହେଉ କାତର

    ଆଶିଷ ତୁମର ଥାଉ ।