ମଧୁ ପାର୍ବଣ

ଘଣ୍ଟା ଢ଼ୋଲ ମାଦଳର

ପଟୁଆର ନେଇ

ଦେବୀ ଆସନ୍ତି ମଣ୍ଡପକୁ

ନବ ପତ୍ରିକାକୁ ପଟ୍ଟବସ୍ତ୍ରରେ

ଆଚ୍ଛାଦନ କରି

ମୃଣ୍ମୟୀ ମୂର୍ତ୍ତି ପାଖରେ

ସଜେଇ ଦିଅନ୍ତି ଗୋସେଇଁ ।

ଧୂପ ଦୀପ ନୈବେଦ୍ୟରେ

ଆରାଧନା ଚାଲେ ଦେବୀ ଙ୍କର।

ମଣ୍ଡପର ଝୁଣା ବାସ୍ନା ଠୁଁ ଦୁରରେ

ଅନ୍ୟ ଏକ ଦେବୀଙ୍କ ଯୁଧ୍ୟ ଚାଲେ

ସୁମ୍ଭ ନିସୁମ୍ଭ ମାନଙ୍କ ସହ ।

ଦ୍ବି ଭୁଜା ଦେବୀଙ୍କ ଆଡକୁ

ଆଗେଇ ଯାଏ ମହିଷାସୁର ମାନଙ୍କ

ବାସନା ବ୍ୟାକୁଳ ଦଶଭୁଜ

ଦେବୀ ହୁଅନ୍ତି ଅନାଭରଣ

ଶୁଷ୍କ ପତ୍ରରର ମର୍ମିରରେ

ଚାପି ହୋଇଯାଏ ଘଣ୍ଟା ମାଦଳର

ଶବ୍ଦ ସହ ଦେବୀଙ୍କ ଚିତ୍କାର ।