କିଏ ସେ ବୁଝିବ ନାରୀ
କିଏ ସେ ବୁଝିବ ନାରୀ
1 min
239
କିଏ ବୁଝିବ ଝିଅର ମନର କଥା
ନାଇ ପାରେ ସେଇ କହି
ଗୁମୁରି ଗୁମୁରି କାନ୍ଦୁଥିଲେ ବି
ଚୁପ ଚାପ ଥିସି ରହି ।
କେତେଯେ ସପନ ଦେଖୁଥିସୀ ସେଯେ
ନାଇଁ ହୁଏ ସେଯେ ପୁରା
ବୟସ ବଢିଲେ ମୋର ମାଆ ବାପା
କରିଦେବେ ଯେ ଦୁରୀଆ ।
ମନ ଆଉ ପରାଣ ଚାଲିଗଲେବି
ନାଇଁ ବୁଝି ପାରନ୍ ମୋତେ
ପଇସା ଵାଲା ବୋଲି ଧାରାଇ ଦେବେ
ବୁଢା ଘଏତା ର ହାତେ ।
ଟୁକେଲ ଜିବନଟା କେଡେ ହିନମାନ
କିଏ ବୁଝିବ ଗୁଲଗୁଲା
କହି ନାଇହେଲ ସହି ନେଇ ହେଲା
ସାସ ଘରେ ଜୀବନ ଗଲା ।
କାଏ କର୍ମି ମୋର କରମଟା ଫଟା
ମଣିଷର ଦେହରେ ପିସାଚର ଘର
ଟଙ୍କା ସୁନା ରୁପା ଲୋଭେ ପଡ଼ି ଜିବନ
ସାଥୀକେ କଲା ଅନ୍ତର ।