କାଉ ବଗ କଳି
କାଉ ବଗ କଳି
1 min
214
କାଉ ବଗ ଦିନେ ଲାଗିଲେ କଳି
ବଗ କହେ ତୁହି ଅଟୁ ଲୋ କାଳି।
ରୂପ ମୋ ଅଟଇ ସମ ଚନ୍ଦ୍ରମା
ଅସନା ପାଖ ନଯାଏ ଜମା ।
ଝଙ୍କାଳିଆ ଗଛେ ବସା ଟି ମୋର
ପକ୍ଷୀ ରାଇଜରେ ମୋ'ର ଆଦର ।
ପିିିିଲାଏ ଦେଖିଣ ହୁଅନ୍ତି ଖୁସି
ମାଛ ଖାାଇଥାାଏ କୂଳରେ ବସି ।
ମଇଳା ଅଟଇ ତୋର ଆହାର
ରୂପଟି ତୋହର କଳା ଅଙ୍ଗାର ।
ବଗ କଥା ଶୁଣି କାଉ କହଇ
ପରିବେଶ ସଫା ମୋହରି ପାଇଁଁ ।
ମୋ ପାଇଁ ହୁଅଇ ବୀଜ ଵିକ୍ଷେପ
ପରିବେଶ ପାଇଁ ରୋପଇ ବୃକ୍ଷ ।
ମଣିଷ ର ଖାଦ୍ୟ କରୁ ଆହାର
ଦେଖାଉ ବଢିମା ଆଗରେ ମୋର ।
ଡେଙ୍ଗେଇ ଗୋଡ଼ୀ ତୁ ଅଟୁ ଚୋରଣୀ
ମାଛ ଧରି ଖାଉ ପାଣିରୁ ଛାଣି ।
ପ୍ରଭାତେ ଲୋକଙ୍କୁ ଉଠାଏ ମୁଁହିଁ
ଅତିଥି ଆସିଲେ କହେ ମୁଁ ଯାଇ ।
ଘରେ ଘରେ ମୋର ଅତି ଆଦର
ମୋତେ ଦେଖି ଶିଶୁ କରେ ଆହାର ।
କଳି ଶୁଣୁଥିଲେ ପିଲାଏ ଵସି
କାଉ କଥା ଶୁଣି ଉଠିଲେ ହସି ।
ବଗ ମନେ ଆଉ ନଥିଲା ଖୁସି
ସରମରେ ଗଲା ସେଠାରୁ ଖସି ।