କାଲି ଯେବେ ବଡ଼ ହେଇଯିବ

                   

ଆଜି ପିଲା ଅଛ ବୁଲ ନଈକୂଳ,

କାଲି ଯେବେ ବଡ଼ ହେଇଯିବ...

ବୁଲିବାକୁ ଆଉ ନଥିବ ବେଳ ।

ଖେଳ ତୁମେ ଏବେ ଏଇ ଧୂଳିଖେଳ,

କାଲି ଯେବେ ବଡ଼ ହେଇଯିବ...

ପାଠରେ ପଢିବ ଏଇ ଭୂଗୋଳ ।।

ଆଜି ପିଲା ଅଛ ଦେଖ ସପନ,

କାଲି ଯେବେ ବଡ଼ ହେଇଯିବେ...

ହେବ ସୁନ୍ଦର ତୁମ ଜୀବନ ।

କର ଏ ଜୀବନେ ତମର ମିତ୍ର, 

କାଲି ଯେବେ ବଡ଼ ହେଇଯିବ...

ସେ ମିତ୍ର ସାଜିବ ପବିତ୍ର ।।

ଆଜି ପିଲା ଅଛ ଶୁଣ କାହାଣୀ,

କାଲି ଯେବେ ବଡ଼ ହେଇଯିବ...

କାହାଣୀକୁ ନେଇ କହିବ ବାଣୀ ।

କାଗଜକୁ କାଟି କର ଖେଳନା, 

କାଲି ଯେବେ ବଡ଼ ହେଇଯିବେ...

ଖେଳନାକୁ ନେଇ ପାଇବ ପ୍ରେରଣା ।

ଆଜି ପିଲା ଅଛ ଅନେକ ଶିଖ

କାଲି ଯେବେ ବଡ଼ ହେଇଯିବ...

ହସ ମୁହେଁ ଏଇ ଦୁନିଆ ଦେଖ ।

ଅଛ ତମେ ଆଜି ଟିଟିଟିକି ଫୁଲ 

କାଲି ଯେବେ ବଡ଼ ହେଇଯିବ...

ଫୁଟି କି ରଖିବ ଜାତିର ମୂଲ ।।