ହେ ଚିତ୍ରକର
ହେ ଚିତ୍ରକର
1 min
128
ତୁମେ ପରା ଚିତ୍ରକର
ତୁମ ତୁଳିରେ ରଙ୍ଗ ଦିଅ,
ଆଙ୍କି ଦିଅ କାନଭାସ ଉପରେ
ସବୁ ରଙ୍ଗର ମିଶ୍ରଣର ସୁଅ ।
ନଦୀ, ନାଳ ସବୁ ଭରିଯାଉ ପାଣିରେ
ବନ, ଜଙ୍ଗଲ ସବୁ ପୁରି ଉଠୁ ସବୁଜିମାରେ ।
କାଶତଣ୍ଡୀ ଫୁଟି ଉଠୁ କେଦାରେ କେଦାରେ,
ଧାନ କେରା ସାଇଁ ସାଇଁ କରୁ ପବନରେ ।
ତାରି ସୁଗନ୍ଧରେ ମନ ଉଲ୍ଲସିତ ହେଉ,
ନାଚି ନାଚି ଗୀତ ଗାଇ, ସମୟ ବିତି ଯାଉ ।
କଉଠିବି ନଥାଉ ମାଓବାଦୀର ଚିତ୍ର, ଆହା,
ନ କାନ୍ଦୁ ସୀମନ୍ତିନୀ ନାରୀ ଆଉ ଅସହାୟ ଶିଶୁ
ମା, ର ଆଖି କୋରଡରୁ ଲୋତକ ବହି ମାଟିରେ ନ ମିଶୁ ।
ଶୁଖିଲା ଛେପକୁ ଢୋକି ଜନ୍ମଦାତା ନ ଗଣନ୍ତୁ ଦିନ
ହେ ଚିତ୍ରକର ତୁମେ ନ ଆଙ୍କ ଏମିତି ଚିତ୍ର ପୁଣ ।