ଏତିକି କାମନା ମୋର
ଏତିକି କାମନା ମୋର
1 min
163
ହଜାରେ ଆଶାର କିରଣଟିଏ ସେ
ସମ୍ପର୍କର ମୁକସାକ୍ଷୀ
ଭାଇ ଭଉଣୀର ଅତୁଟ ବନ୍ଧନ
ନାମ ତା ପବିତ୍ର ରାକ୍ଷୀ !!
ମାଆ ପରେ ଯଦି ଦୁନିଆଁ ଭିତରେ
କିଏ ଥାଏ ମୋ ନିଜର
ମାଆ ପରି ପରା ସ୍ନେହ ଦେଇଥାଏ
ଭଗିନୀ ସିଏ ମୋହର !!
କେତେ ଦୂରେ ମୋର ରହିଲା ଭଉଣୀ
ମନମୋର ତାକୁ ଝୁରେ
ହୃଦୟ ଭିତରେ ସାଇତା ତ ସ୍ନେହ
ଅନୁଭବେ ମିଳଇରେ !!
ମୋର ଖୁସି ପାଇଁ ସଦା ସେ ତତ୍ପର
କେତେ ଦେବତାଙ୍କୁ ପୂଜେ
ଆଜିର ଦିନରେ ପ୍ରଭୁଙ୍କୁ ପାଖରେ
ଭଉଣୀର ଖୁସି ଖୋଜେ !!
ହସ ଖୁସିରେ ତା ପୁରି ଉଠୁଥାଉ
ସୁନା ସଂସାର ତାହାର
ଦୁଃଖ କେବେ ତାର ପାଖକୁ ନ ଆସୁ
ନଲାଗୁ କାହା ନଜର !!