ଦୁଃଖ ଘରେ ଗୋଟେ ରାତି

ଆଜି ରାତି ଟି କାଟିଲି ମୁଁ ଦୁଃଖୀ ଙ୍କର ଘରେ

କା ଛାତି ରେ କୋହ କାହା ଆଖିରୁ ଲୁହ ଝରେ

ଦୁଃଖ ଘରୁ କିଏ ଫେରି ଯାଏ ନିଜ ଘରେ

କିଏ ପୁଣି ଦୁଃଖ ଘରୁ ଯାଏ ଯମ ପୁରେ

ଦୁଃଖ ଘରେ ପ୍ରତି କୋଣେ ଯମ କୁ ଦେଖିଛି

ୟାକୁ ତାକୁ ନେବି ବୋଲି ଅନାଇ ଚାହିଁଛି

ପ୍ରତିଟି ହୁଦୟ ଏଠି ବେଦନା ରେ ଭରା

ସୁଖେନି କା ଆଖିରୁ ଏଠି ଲୁହ ଧାରା

ବେଳେ ବେଳେ ସୁଖ ଧଳା କୋଟ୍ ପିନ୍ଧି ଆସେ

ହସି ଦିଏ କିଏ କେବେ ତାହାର ବିଶ୍ୱାସେ

ଦୁଃଖ ଘର ଯେବେ ଯାକୁ ଦିଅଇ ବିଦାୟ

ଖୁସୀ ରେ ହସି ଉଠେ ତାହାରି ହୃଦୟ

ଦେଖି ଲାଗେ ଦୁଃଖ ଘରୁ ଦିଅନ୍ତି ଦୁଃଖ ତଡି

ସୁଖର ଫୁଲ ଲଗାନ୍ତି ମୁଁ ଧାଡ଼ିକି ଧାଡ଼ି