ଧୋକା:ପାଁଚଟି ଏକପଦୀ

ଆଖି କେବେ ଧୋକା ଖାଏ

କେବେ ପୁଣି ଧୋକା ଖାଏ କାନ,

ଏମିତି ଧୋକାରେ ମରେ

ମୋର ଏଇ ସୁକୁମାର ମନ।(୧)

କିଛି ଧୋକା ମନେ ରହେ

କିଛି ଧୋକା ମନେ ରହେନାଇଁ

ଅଭୁଲା ଧୋକାର ଦୁଃଖ

ହୃଦୟକୁ ଜାଳେ ରହି ରହି ।(୨)

ପରଲୋକ ଧୋକା ଦେଲେ

ଏତେ ବେଶୀ କଷ୍ଟ ହୁଏ ନାହିଁ

ଆପଣା ଲୋକର ଧୋକା

ମରମକୁ ଦିଏ ଦୋହଲାଇ ।(୩)

ଫି ଥର ଧୋକା ପରେ

ଇସ୍ପାତର ବିଶ୍ବାସ ମୋ ଭାଙ୍ଗେ,

ବୟସ ମୋ ବଢିଯାଏ

ନିଜ ଛାଇ ପର ପର ଲାଗେ । (୪)

ବାରମ୍ବାର ଝୁଣ୍ଟେ ପାଦ

ମରେ ନାଇଁ ଚାଲିବାର ନିଶା

ଯେତେ ଧୋକା ଖାଇଲେ ବି

ସରେ ନାଇଁ ଜୀବନ ଅନ୍ବେଷା । (୫)