ବୃକ୍ଷରୋପଣ

    

 ବଢୁଅଛି ଏବେ  ଅଙ୍ଗାରକ ବାଷ୍ପ

    କମୁଅଛି ଅମ୍ଳଜାନ 

 ବଢୁଅଛି ରୋଗ ବିଭିନ୍ନ ପ୍ରକାର 

   ହୋଇ ପାରୁନି ନିଦାନ ।

 ଏହାର କାରଣ ବୃକ୍ଷର ଅଭାବ 

    ଘଟୁଅଛି ଦିନୁ ଦିନ  

 ବୃକ୍ଷ ଥିଲେ ସିନା ଔଷଧ ମିଳିବ 

    ବଞ୍ଚିବ ପ୍ରାଣୀର ପ୍ରାଣ ।

 ସିଏ ପୁଣି ଦିଏ ନିସ୍ୱାର୍ଥ ପରରେ

    ଘରୋଇ ଉପ କରଣ 

 ଠାକୁରଙ୍କ ପୂଜା ପାଇଁ ଦିଏ ଫୁଲ

   ଗଛ କେତେ ଭାଗ୍ୟବାନ ।

 ପ୍ରବଳ ଖରାରେ ନିଜେ ଖରାସହି

    ଦିଅଇ ଆମକୁ ଛାଇ

 ଦେଖ କେତେ ସହି କରେ ଉପକାର 

     ପ୍ରାଣୀମାନଙ୍କ ପାଇଁ ।

 ଗଛ କାଟିଦେଇ ଯାତାୟାତ ପାଇଁ 

    ଓସାର ସଡକ ହେଲା 

 ସେହି ପରିମାଣ  ଗଛ ଲାଗୁନାହିଁ 

     ଖରାର ତାପ ବଢିଲା ।

 ଅଂଶୁଘାତ ହେଲା ବୃଷ୍ଟି କମିଗଲା 

     ବିପତ୍ତି ମାନ ଆସିଲା 

 ବଣ ଜଙ୍ଗଲରେ କାଠ ଚୋରି ହୋଇ

    ଜଙ୍ଗଲ କ୍ଷୟ ହୋଇଲା ।

 ଗଛ ଲୋପ ହେଲେ ଅମ୍ଳଜାନ ଆଭ

     ଟିକେ ମିଳିବନି ଜାଣ

 କୃତ୍ରିମ ଅମ୍ଳଜାନ ଯୋଗାଇ ହେବନି 

     ଜୀବର ଛାଡିବ ପ୍ରାଣ ।

 ହୁଅ ସାବଧାନ ବେଳ ଥାଉ ଥାଉ 

    କାଟ ନାହିଁ କେହି ଗଛ

 ବିପତ୍ତିକୁ ଆଉ  ଡାକି ଆଣନାହିଁ

     ଚିନ୍ତା କର ଆଗ ପଛ ।

 ଜୀବ ଜଗତକୁ  ବଞ୍ଚାଇବା ପାଇଁ 

     ସତର୍କ ହୁଅ ମାନବ 

 ଜଣ ଜଣ କରି  ଗଛଟିଏ ଲଗାଅ

     ସବୁଜ ଧରଣୀ ହେବ ।