ଭୋକ

ଭୋକ ବିଷୟରେ ଲେଖା ହେଇଛି

କେତେ ଉପନ୍ୟାସ, ଗଳ୍ପ, କଵିିତା

ଶିଳ୍ପୀ ଆଙ୍କିଛି ଛବି,

ଭୋକକୁ ନେଇ କେତେ ରାଜନୀତି,

ଆଲୋଚନା ସଭା ସମିତି !

ଏବେ ଭୋକ ବୁଲୁଛି ରାସ୍ତାରେ

ଭୋକକୁ ଦେଖିଵା ପାଇଁ ଖୁବ୍ ଭିଡ ତା ପାଖରେ।

ଆସିଲେ କେତେ କବି ଲେଖକ,

ନିଆରା ଅନୁଭୂତି ମିଳିଗଲେ

ଭୋକ ଉପରେ ଲେଖିହେବ

ଗୋଟେ ଉପନ୍ୟାସ କି ଗଳ୍ପ

କବିତା ପାଇଁ ଚମତ୍କାର ଚିତ୍ରକଳ୍ପ ।

ରଙ୍ଗ ତୂଳୀ ଧରି ଆସିି‌ଲେ ଶିଳ୍ପୀ,

ଚମତ୍କାର ଛବିଟିଏ ଆଙ୍କି ହୋଇଯିବ ଯଦି

ବିକ୍ରୀ କରି ହେବ ଦେଶ ବିଦେଶରେ

ଚଢ଼ା ଦରରେ ।

ପହଞ୍ଚିଲେ ଗଣମାଧ୍ୟମର ପ୍ରତିନିଧି

ରାଜନେତା ଅଭିନେତା, ଜନତା

ସଭିଙ୍କ ନଜର ଭୋକ ଉପରେ ।

ଭୋକ ଭାରି ଖୁସି ଥିଲା ଫାଳେ ରୁଟି ଖାଇବାରେ

ଭୋକ ଭାରି ବ୍ୟସ୍ତ ଥିଲା ଅଳିଆଗଦାରୁ

ପୁଣି ଥରେ ରୁଟି ଖୋଜିବାରେ ।