Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Shaktiprada Mohapatra

Others

2  

Shaktiprada Mohapatra

Others

ଅଇଁଠା

ଅଇଁଠା

1 min
7.0K


କ୍ଷୀର ତ ଅଇଁଠା, ନୀର ତ ଅଇଁଠା

ଆହୁରି ଅଇଁଠା ବେଦ,

ଫୁଲ ଅଇଁଠା,ଗେଲ ତ ଅଇଁଠା

ଆଉ ଶାଳଗ୍ରାମ ଭେଦ ।ଘୋଷା।

ମାଆର ଅଇଁଠା ସବୁଠାରୁ ମିଠା

ପମ୍ପୁଡି ଅଇଁଠା ଭୋଗ,

ଜଗତକରତା କପାଳରେ ଥିଲା

ଶବରୀ ଅଇଁଠା ଭାଗ । ୧।

ଗୀତ ତ ଅଇଁଠା ,ଗୀତାବି ଅଇଁଠା

ଅଇଁଠା ପଷମ ଛନ୍ଦ,

ସୁର ତ ଅଇଁଠା ,ଝଂକାର ଅଇଁଠା

ଅଇଁଠା ଋଣର ସୁଧ ।୨।

ହୁଂକା ତ ଅଇଁଠା ,ଫୁଂକାବି ଅଇଁଠା

ଆହୁରି ଅଇଁଠା ସିନ୍ଧୁ,

କୁହୁ ତ ଅଇଁଠା,ମହୁ ତ ଅଇଁଠା

ଅଇଁଠା ସରଗ ଇନ୍ଦୁ ।୩।

ଅଇଁଠା ବିଷୟ ନୁହେଁ କି ବିସ୍ମୟ

ସବୁ ଅଇଁଠାରେ ବଶ,

ଅଇଁଠା ଗଣିତ ସରଳ ନୁହଁଇ

ଯେତେ ପାର ସେତେ କଷ ।୪।

କଷିଲା ବେଳକୁ ଘୂରିଯାଏ ମଥା

କଷିବା ରହିଲା ଅଧା,

ଅଇଁଠା ଚିଜଟା ଭାରି ସୁଆଦିଆ

ଝରୁଥାଏ ସଦା ସୁଧା ।୫।

କ୍ଷୀର ତ ଅଇଁଠା, ନୀର ତ ଅଇଁଠା

ଆହୁରି ଅଇଁଠା ବେଦ,

ଫୁଲ ତ ଅଇଁଠା ,ଗେଲ ତ ଅଇଁଠା

ଆଉ ଶାଳଗ୍ରାମ ଭେଦ ।ଘୋଷା।

* * * * *


Rate this content
Log in