ଆଜି ମୋ ପ୍ରଭୁଙ୍କ ଜନମ ଦିନ
ଆଜି ମୋ ପ୍ରଭୁଙ୍କ ଜନମ ଦିନ
ଆଜିମୋ ପ୍ରଭୁଙ୍କ ଜନମ ଦିନ
ଆଜିର ଦିନରେ ପ୍ରଭୂ ନେଲେଜନ୍ମ
କୌଶଲ୍ୟା କୋଳରେ ରଘୁ ନନ୍ଦନ
ଧନ୍ୟ ହୋଇଥିଲା ଅଯୋଧ୍ୟା ଧାମ ।
ସେହି ଦିନ ଗୋଟି ମନରେ ପକେଇ
ହରସେ ପାଳନ୍ତି ଭାରତ ବାସୀ
ପ୍ରତି ଘରେ ପୂଜା ପାଏ ରାମ ମୂର୍ତ୍ତି
ମନେ ରଖିବାକୁ ତାଙ୍କର କୀର୍ତ୍ତି ।
ଯାହାଙ୍କ ଚରିତ୍ର ଋଷି ବାଲ୍ମୀକ
ସ୍ୱର୍ଣ୍ଣ ଅକ୍ଷରରେ ଅଛନ୍ତି ଲେଖି
ତାଙ୍କ ପିତୃ ଭକ୍ତି ପରା କାଷ୍ଟା ପାଇଁ
ଆଜିତ ଗର୍ବିତ ସବୁ ହୁଅନ୍ତି ।
ପିତାଙ୍କ ଆଦେଶେ ଛାଡି ରାଜ ପୂର
ରାଜ୍ୟ ଛାଡି ହେଲେ ସେବନବାସୀ
ଘୋର ଜଙ୍ଗଲ ରେ ଦିନ ବିତେଇଲେ
ସଙ୍ଗେ ସୀତା ମାତା ଲକ୍ଷ୍ମଣ ସାଥୀ ।
ଜନ ହିତ ପାଇଁ ବିଧିଲେ ଆସୁର
ଆନନ୍ଦ ଲଭିଲେ ମୁନୀ ଓ ଋଷି
ପଥର ପଥର ହୋଇଲା ଅବଳା
ଅହଲ୍ୟା ହୋଇଲେ ଶାପ ରୁ ମୁକ୍ତି ।
ଶବରୀର ଆଶା ହୋଇଲା ପୂରଣ
କୁଡ଼ିଆରେ ତାର ରାମ ଙ୍କୁ ଦେଖି
ବିଜ୍ଞାନୀ କୈବର୍ତ୍ତ ରାମ ପାଦ ଧୋଇ
ରଖି ଗଲା ସେହି ଅଲିଭା କୀର୍ତ୍ତି ।
ରାମ ଅବତାରେ ରାବଣକୁ ବଧି
ଧରା କୁ କରିଲେ ପାପ ରୁ ମୁକ୍ତି
ରାମ ପରି ରାଜା ନାହିଁ ତ୍ରିଭୁବନେ
ସେଥିପାଇଁ ସେହି ପୂଜା ପାଆନ୍ତି ।
ପଲ୍ଲୀ ଠୁଁ ସହର ଉତ୍ସବ ମୁଖର
ଜୟ ଶ୍ରୀ ରାମ ନାରା ଲାଗିଛି
ବାଣ ରୋଶଣୀରେ ବାଜା ମାଇକିରେ
ଏ ଦୁନିଆ ଦାଣ୍ଡ କମ୍ପି ଉଠୁଛି ।
ଆସରେ ଗାଇବା ଜୟ ଶ୍ରୀରାମ
ଜୟ ହନୁମାନ ହାତ କୁ ଟେକି
ଭକ୍ତ ଭଗବାନ ଅପୂର୍ବ ମିଳନ
ପବିତ୍ର ହୋଇବା ଆଖିରେ ଦେଖି ।