कवी म्हणजे...

कवी म्हणजे, कवी म्हणजे,कवी असतो 

ग्रहताऱ्यांत चमकणारा रवी असतो 

कधी गाणारा गवई असतो तर कधी 

उपदेश करणारा मौलवी असतो

कवी म्हणजे कवी म्हणजे कवी असतो.

ग्रहता-यात चमकणारा रवी असतो

शहाणा म्हणावं तर वेड्या धुंदीत राहतो 

वेडा म्हणावं तर शहाणपणाच्या गोष्टी करतो 

कधी कधी तर शेकड्यास सवई असतो 

कवी म्हणजे, कवी म्हणजे,कवी असतो 

ग्रहताऱ्यांत चमकणारा रवी असतो.

कविला नसतात कधी नाती आपली- परकी काही 

प्रत्येक संवेदनेशी असते त्याने नाळ जोडलेली 

कवी म्हणजे शब्द लेकरांची आई असतो.

कवी म्हणजे कवी म्हणजे कवी असतो 

ग्रहताऱ्यांत चमकणारा रवी असतो.