वसुंधरा

झाडे लावा झाडे जगवा

वसुंधरा म्हणू लागली

संहार करता वृक्ष वाढवा

वसुंधरादिन ती समजली(१)

☘️☘️☘️☘️☘️

आज कौतुक करातरी

उद्या तुम्ही विसरु नका

स्वच्छ राखा घरीदारी

प्रदुषण तुम्ही करु नका(२)

🌴🌴🌴🌴🌴

बहरली फुलली फुलांनी

हिरवी साडी ती ल्याली

थंडावा नजरेला दिसता

हिरवळ आवडती झाली(३)

🌿🌿🌿🌿🌿

जाईजुई मोगरा फुलला

गुलमोहर केशर शिंपी

आंबा पाडायचा झाला

केशरी तोही डोकावी(४)

🌿🌿🌿🌿🌿

हळूच दिसला तामण

रंग त्याचा बहारदार

जांभळा रंग आपण

पाहताक्षणी आवडणार(५)

 🌿🌿🌿🌿🌿

धनधान्य बहरते शेतात

 किती प्रसन्न शेतकरी

चेह-यावरचा उत्साह

ओसंडून वाहे भारी(६)

🌿🌿🌿🌿🌿

किती कौतुकाची वसुंधरा

लाभली असे भारतभूला

अभिमान वाटतो सारा

सांभाळू या आपण तिला(७)

🍒🍎🍓🍉🍅🍇🍑