विनंती

🙏🙏🌹🌹विनंती🌹🌹🙏🙏

तूच माता तूच पिता

तूच बंधू सद्गुरू ।

तुझ्यावीण सांग कसा

भवसागर हा तरू ।।

हाक देता धाव घेसी

तव भक्तांना पाविसी ।

गजानना तू सुखकर्ता

दुःख त्यांचे निवारीसी ।।

तुझ्या दर्शनाची आस

मुख म्लान मनी ध्यास ।

अन्न रुचेना जीवास

सदा होई तुझा भास ।।

दैत्य हा विषाणू रुपी

ऊभा येऊन ठाकला ।

केला कहरच त्याने

अन् देव माझा झाकला ।।

देवा करते विनंती

व्याधी नको कोरोनाची ।

रांग लागो दर्शनाची

हीच प्रार्थना कवीची ।।