स्वच्छता मोहीम घ्या हाती

स्वच्छता मोहीम घ्या हाती ,

नाहीतर आयुष्याची होईल माती.....

2 ऑक्टोबरला राबवले जाते अभियान भारतभर,

तरी दुसऱ्या दिवशी दिसतो कचरा टनभर.

प्लास्टिक टाळा पर्यावरण वाचवा हे घोषवाक्य घ्या हाती,

नाहीतर आयुष्याची होईल माती......

ओला कचरा सुका कचरा होत नाही विघटन ,

त्यामुळेच तर ओढवते जनावरांचे मरण

कचरा वर्गीकरण करण्याचा संकल्प घेऊ हाती, 

नाहीतर आयुष्याची होईल माती.......

डिसपोजेबल डायपरचे होत नाही विघटन, 

त्यामुळेच तर होते मृदा व जल प्रदूषण.

डिसपोजेबल डायपर तुम्ही वापरू नका अती,

नाहीतर आयुष्याची होईल माती......

यात पडली आहे अजून एक कचऱ्याची भर ,

इ कचरा त्याचे नाव, पसरला आहे जगभर.

पुर्नचक्रीकरण करण्याचा संकल्प घेऊ हाती,

नाहीतर आयुष्याची होईल माती....