🌴🌳सायंकाळ🌳🌴

सांज सकाळी मोकळ वेळीबसलो होतो रानोमाळी।।धृ।।

त्या रानाची गम्मत न्यारीपाखरे होती भिरभिरणारी 

वार्यावरती स्वच्छंदी अन मन मोकळी उडणारी।।१।।

पाहत बसलो चोहीकडे जिकडे तिकडे हिरवे हिरवे 

हरित तृणे आणि मखमली कुरणे,

रंगबेरंगी फुले आणि डोलणारी हरित वने।।२।।

स्वच्छंदी अन आनंदी जगावेगळी रानफुले 

स्वैरभैर अन नादभरी उडणारी फुलपाखरे 

आणि चिमचिमणारी भिंगुरे।। ३।।

मनाचे घोडे चौखूर सुटले पाहुनिया हे रानपिसारे

उंच उंच कोसळणारे झरणे,

 आणि बागडणारी सोनेरी हरणे।। ४।।

पाहुनिया ही निसर्गाची खेळी मन भुलले हे वेळोवेळी 

ह्या सगळ्यात झिंगून गेलो,

 आनंदाने नाहून निघालो।। ५।।