रक्षाबंधन

रिमझिम सरी बरसल्या

पाऊल खुणा उमटल्या

तुझ्या माझ्या भेटीचा

सण हा रक्षाबंधनाचा

क्षण आनंदाचा 

भावाबहिणीच्या नात्याचा

मनातूनी उधळे त्यांच्या

सारा आसमंत आठवांचा

भाऊ तिचा सखा

तोच पाठीराखा

लहान असूनही देतो

माय वडीलांसारखा

बहिणीची वेडी माया

वेळेला देते आईची छाया

दोघांमधल्या अतूट नात्याचा

दुवा असतो तो रेशमी धागा

नाते रक्ताचे असो वा मानलेले 

कोणत्याही स्थितीत न हरलेले

कारण तो नसतो नुसता धागा

असते मनातील एक निवांत जागा