ओढ पावसाची
ओढ पावसाची
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
60
पक्ष्यांचा किलबिलाट
मधुर आळविती सूर
मयुराचा रंगीत पिसारा
डोलवी सौंदर्याचा नूर
टपोऱ्या नयनांत दाटती
जलकुंभ पावसाचे
काळया मेघांच्या सरी
स्वप्नपूर्ती बळीराजाचे
निर्झर ओढे नद्या
बळ मागे पावसाला
धावण्यास वेग येई
प्रियतमाच्या भेटीला
धरणी होई आतुर
मेघराज भेटीसाठी
हिरव्या शालूची नवलाई
नेसून अनुभवण्यासाठी
वृक्ष वेली माळराने
उतावीळ नटायला
पावसाच्या सरींसंगे
झिम्माफुगडी खेळायला
ओढ प्रेमळ पावसाची
प्रेमरंगी रंगण्यास
साऱ्या सजीव सृष्टीची
तहान भूक हटवण्यास
छोटी छोटी बालके
वाट पाही पावसाची
साचलेल्या पाण्यात
आनंदे उड्या मारण्याची