माहेरच्या स्मृती

माळावरी उजाडशा

नादावल्या स्मृती जुन्या

रेंगाळती मनातल्या

अश्रुंचिया लडी पुन्हा

वेचू तरी खुणा किती

दारातल्या झुल्यावरी

सांजावल्या नभांतरी

छाया अशी मुक्यापरी

डोकावतो गुलाब हा

ख्याली जशी विचारतो

चाफासुद्धा खुणावतो

गंधाळुन दंवारतो

भेटायला थवे पहा

माहेरचे जणू कुणी

वाकूनिया हळू पुसे

सांगायला उणीदुणी

माहेरच्या जुन्या स्मृती

हृदयामध्ये डहूळती

डोळ्यातुनी घनांपरी

संवेदना उधाणती