Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Gajanan Biradar

Others

0.2  

Gajanan Biradar

Others

आई म्हणजे आई असते

आई म्हणजे आई असते

1 min
344


आई म्हणजे आई असते

तिला सर्वां गोष्टींची घाई असते

आपल्या प्रत्येक प्रश्नाचे उत्तर असते

न केलेले प्रश्न सोडवण्यातही सक्षम असते


वळण लावण्यासाठी दोन-चार धपाटेही देते

आपण रागाने झोपी गेलो की नकळतच डोक्यावरुन हात फिरवते

स्वत:च्या वागणुकीची मनातल्या मनातच माफी मागते

गुपचुपच मित्र-मैत्रीणींसोबत सिनेमाला जायची परवानगी देते .................

आई म्हणजे आई असते.


सांगून बाहेर पडलो तरी वाट बघत असते

पोट भरलं असलं तरी घास भरत असते

आपल्याला काळजीत बघून तळमळ असते

आजारी झाल्यावर स्वत: डॉक्टर होऊन बसते

वेदनामुळे नुसत आईईई शब्द काढला की लगेच हजर असते.................

आई म्हणजे आई असते.


आपण जागे असलो तर तिची पापणी लागत नसते

फोनवर असलो तर ती आपल्याकडे लगेच कान करते

आपण खूश असलो तर कारण न जाणून घेता स्वत: ही हसते

यश मिळाल्यावर अश्रु भरलेल्या डोळ्याने भरभरुन बघते

जवळ असो वा दूर जीव आपल्यात अडकून ठेवते

मर्जीविरुद्ध किती तरी निर्णयांना प्रेमापोटी होकार देते

काही विस्टकले की वडिलांच्या तापटपणाच्या आचेपासून वाचवते.................

आई म्हणजे आई असते


पुढल्या वेळी असे करु नको म्हणत पांघरुण घालते

आपली आवड-नाआवड तिला तोंडी पाठ असते

किती जरी मोठे झालो तरी आपल्यातच गुंतलेली असते

नि:स्वार्थ प्रेम आणि नातं काय हे तिच्याकडून शिकायला मिळते

खरंच आई ही देवाहून मुळीच कमी नसते

........................आई म्हणजे खरंच आई असते


Rate this content
Log in