ദേവി മാം പാഹി

സ്തുതി:

          "  സപ്തസ്വരാംബികേ
             നാദവിലോലിനി
             വരവീണ മീട്ടുമെൻ
             മാതേ സരസ്വതി.....
             കമലവാസിനി
             കൺതുറക്കൂ അമ്മേ
             പത്മവിലോചനേ
             കാദംബരി.....  "

പല്ലവി :

മായേ മഹാദേവി
ജയവാണി ശ്രീ സരസ്വതി
ജഗദീശ്വരീ ജനനി
കൊല്ലൂർ വാഴുന്ന മൂകാംബികേ
നിൻ മുഖപങ്കജം കണികണ്ടുണരുകിൽ
അകലുകില്ലെയെൻ ദുഃഖങ്ങളമ്മേ

ദേവി മനോഹരി സ്നേഹസുധാമായി
വീണപാണിനി  ത്രായംബികെ
സൗപർണികതൻ ഓളനിലാവിൽ
നീരാടീടും സ്വരാംബികേ           (മായേ )

അനു പല്ലവി :

അക്ഷരമൊഴുകുന്ന അക്ഷയധാര നീ
അറിവിന്നമൃതൂട്ടും അത്ഭുത ധാത്രി നീ
അനഘമാം സ്നേഹത്തിന്നുറവയും
നീ തായേ 
അജ്ഞാനനാശിനി അദ്രിനിവാസിനി

അമ്മേ ഭഗവതി രാഗസ്വരൂപിണി
നീലാംബരിവദനെ...
തന്നരുളുക നിൻ കനിവിൻ കതിരുകൾ
അടിയന് തുണയായി...    (മായേ )

ചരണം :

ആർദ്രമാം നിൻ സ്പർശം ആഗ്രഹിക്കുന്നമ്മേ
വാത്സല്യമായ് തരൂ നിൻ കടാക്ഷം 
സ്വരരാഗമായി നിൻ സാമവിപഞ്ചിയിൽ സാദരമുണരുന്ന നൽ പ്രകാശം

ആനന്ദഭൈരവി രാഗത്തിൽ മൂളിടാം
ആനന്ദരൂപിണി നിൻ സ്തുതികൾ
കുടജാദ്രി ദീപമേ, തെളിയുക നീയെന്റെ
ചിത്തത്തിലിന്നൊരു നിറമെഴും ചിത്രമായ്

സുന്ദരരൂപിണി ശാന്തസ്വരൂപിണി
ശുഭകാമേശ്വരി നീ..
കൽമശനാശിനി ശ്രീമൂകാംബിക
ദേവീ മാം പാഹി...

©ഗൗരി പാർവതി

•