ಸೋದರಿ

ಜೀವನ ಪಯಣದ ದಾರಿ

ಸೋಲು, ಸವಕಳಿ, ಕಿರಿಕಿರಿ

ಜೊತೆಯಾಗಿ ಕ್ರಮಿಸಿದ ಪರಿ

ಸಮುದಾಯಕ್ಕೇ ನೀವು ಮಾದರಿ

ಕುಟುಂಬಕ್ಕೆ ಕೊಡುಗೆ ಭಾರಿ

ದಶಕಗಳು ಕಳೆದವು ಬರೋಬ್ಬರಿ

ಹೆಗಲಿಗೇರಲು ಜವಾಬ್ದಾರಿ

ಸೋದರರ ಸಮಸಮ ಸರಾಸರಿ

ಸಂಸಾರವೆಂಬ ಮಾಯಾನಗರಿ

ಅಲ್ಲಿ-ಇಲ್ಲಿ ಎಲ್ಲೆಡೆ ಸಲ್ಲುವಿರಿ

ಮಮತೆ ವಿಶ್ವಾಸವ ತೋರಿ

ಭರಪೂರ ಹ್ರದಯಗಳ ಗೆದ್ದಿರಿ

ಹೇಳುವೆನು ಜಗಕೆಲ್ಲ ಸಾರಿ

ಪಡೆದಿರಲು ನಿಮ್ಮಂಥ ಸೋದರಿ

ಬದುಕೇ ರಂಗೇರಿದ ಪಿಚಕಾರಿ

ಸವಿದಂತೆ ನಿತ್ಯ ಪಾಯಸ-ಪೂರಿ

ಪೊಡಮಡುವೆ, ಭಗವಂತನ ಕೋರಿ

ಅರಿವು-ಆರೋಗ್ಯ ಸುಮಗಳ ಬೀರಿ

ಸರಹದ್ದು, ಸಂಕೋಲೆಗಳ ಮೀರಿ

ಅನುದಿನವೂ ಮುಗಿಲೆತ್ತರಕೆ ಏರಿ