ಶ್ರೀ ರಕ್ಷೆ

ಅಣ್ಣನ ಪ್ರೀತಿಯ ರಕ್ಷೆ

ತಂಗಿಯ ಬಾಳಿಗೆ ಶ್ರೀ ರಕ್ಷೆ|

ಅಣ್ಣ ತಂಗಿಯರ ಬಂಧ

ಪ್ರೇಮದೊಲವ ಅನುಬಂಧ||

ಅಣ್ಣನು ಮಮತೆಯ ಕಡಲನೆ ಹರಿಸಿ

ಕಾಳಜಿ ಜೊತೆಯಲಿ ಬೆರೆಸಿ|

ಅನುದಿನ ಕಾಯುವ ಚಂದದಲಿ

ಬೇಕು ಬೇಡಗಳ ತಿಳಿಯುತಲಿ||

ತಂಗಿಗೆ ಅನುಪಮ ಅನುಭೂತಿ

ಕೂಡಿ ಆಡಿ ಬೆಳೆದ ರೀತಿ|

ಭಾವ ಬಾಂಧವ್ಯದ ಬೆಸುಗೆ

ಪ್ರತಿದಿನ ನಲಿವು ಬದುಕಿಗೆ||

ಅಣ್ಣ ತಂಗಿಯರ ಭಾವಾನುಬಂಧವು

ಬಿಡಿಸಲಾಗದ ಅಪ್ರತಿಮ ಸಂಭ್ರಮವು|

ಜೀವ ಭಾವದ ಒಲವ ಹರಿವಿಗೆ

ಎಂದೆಂದು ಮುಡಿಪು ಸೋದರ ಸೋದರಿಗೆ|| 

ರಕ್ಷಾ ಬಂಧನ ಮುದವ ತರಿಸಿದೆ

ಅಣ್ಣ ತಂಗಿಯರ ಬಾಂಧವ್ಯ ಹೆಚ್ಚಿಸಿದೆ|

ಜನುಮ ಜನುಮಗಳ ಸಂಬಂಧ

ಚಿರಾಯುವಾಗಿರಲೆಂದು ಬೇಡುವುದೇ ರಕ್ಷಾ ಬಂಧ||