ಹರೆಯದ ಕನಸು

ತಂಪು ಗಾಳಿ ಬೀಸುತಿದೆ

ಮೈ ಝುಮ್ ಎನ್ನುತಿದೆ

ಮನಸು ಹುರುಪಿನಿಂದಿದೆ

ಏಳು ಎದ್ದೇಳು ಎನ್ನುತ್ತಿದೆ

ಕನಸ ಬುತ್ತಿ ಹೊತ್ತಿರುವೆ

ನಾದ ಮೀಟಿ ಹಾಡಿರುವೆ

ಗೆಳೆಯರ ಸಂಗ ಮಾಡಿರುವೆ

ಜೀವನದ ದೋಣಿ ಹತ್ತಿರುವೆ

ಗಿಡ ಮರ ಬಳ್ಳಿ ಮಾತನಾಡಿವೆ

ಹೂಗಳು ನಗುವ ಸೂಸಿ ನಲಿದಾಡಿವೆ

ಹದಿನಾಲ್ಕರ ಹುಡುಗಿಗಿನ್ನೇನು ಬೇಕಿದೆ

ಜೀವನವು ಹಲವಾರು ರಂಗುಗಳಿಂದ ತುಂಬಿದೆ

ಹಕ್ಕಿಯಂತೆ ಹಾರುವಾಸೆ ನನ್ನಲಿ ತುಂಬಿದೆ

ಬಾನಲ್ಲಿ ಹಾರಿ ನಲಿಯ ಬೇಕೆಂಬ ಆಸೆ ಮೂಡಿದೆ