lalchi billi

Ek gaon me ek billi rehti thi jiska naam Meenu tha. Meenu ko machli bahut pasand thi.

Ek din usko rasta me ek badi machli mili. Machli ko muh me dabakar wo khush ho gayi aur socha, "Aaj to party hai."

Nadi paar karte hue jab wo pul par se ja rahi thi, to usne paani me apni parchai dekhi. Paani me use laga ki dusri billi ke muh me usse bhi badi machli hai.

Lalchi Meenu ne socha, "Iski machli bhi le leti hu, mere paas do machli ho jayengi."

Usne jaise hi dusri machli lene ke liye muh khola, uske muh wali machli paani me gir gayi aur beh gayi.

Meenu ab bhukhi aur udaas baith gayi. Uske paas ek bhi machli nahi bachi.

*Seekh:* Lalach buri bala hai. Jo hai usi me khush rehna chahiye.