જીવન

દરેક ક્ષણે ખુશીનો અહેસાસ,એજ જીવન છે,

મધ્યરાત્રીએ સૂર્યનો આભાસ, એજ જીવન છે.

વાદળોની ઉપર, કદાચ કોઈ જગત હશે-તો શું ?

વિશાળ આકાશનો સોનેરી પ્રકાશ, એજ જીવન છે.

વિજ્ઞાન, કુદરતને યુગોથી નાથતું આવે છે,

છતાં સર્જનહાર પર અનોખો વિશ્વાસ, એજ જીવન છે.

પ્રત્યેક હદયમાં અતૃપ્ત શમણાં જીવિત છે,

સુખ-દુઃખનો અકળ એખલાસ, એજ જીવન છે.

મૃત્યુ તો નિશ્ચિત છે દરેકને માટે 'રૂપા',

પણ તેનાંથી બચવાનો પ્રયાસ, એજ જીવન છે.