ઝૂરે ઝરૂખો
ઝૂરે ઝરૂખો
1 min
144
મિલનની વીતી ગયેલી એ ક્ષણ ઝૂરે ઝરૂખો,
એકલતા આપી ગયેલું એ જણ ઝૂરે ઝરૂખો,
વિરહનું કારણ કેમ ખબર ના પડે પ્રિયજનને;
કે ભર્યુંભાદર્યું ઘર પણ લાગે રણ ઝૂરે ઝરૂખો,
નિસાસાઓથી ચહેરો એનો ભરાવદાર લાગ્યો;
હા એટલા કે જોખતા લાગે મણ ઝૂરે ઝરૂખો,
અકબંધ વસ્તુઓ બધી એમ જ પડી છે જોતાં;
હા સાચે કારણમાં મળ્યું સ્મરણ ઝૂરે ઝરૂખો,
ગયો "બીન્દાસ" જોવા કોણ કોની યાદમાં ઝૂરતું;
કે વર્ષો બાદ ઊડતી ત્યાં રજકણ ઝૂરે ઝરૂખો.