ମନ ତ କହୁଥିଲା ଆକାଶରେ ଡେଣା ଝାଡି ଉଡିଯିବା ପାଇଁ, ହେଲେ ଏ ସମୟ ର ଅନୁମତି ନଥିଲା। ଇଛାଥିଲା ସୀମାହିନ ସମୁଦ୍ର ର ବକ୍ଷଚିରି ଭାସି ବୁଲିବାକୁ, ହେଲେ ଏ ବୟସର ଅନୁମତି ନଥିଲା। ଇଛାଥିଲା ତୋତେ ମନଭରି ଆଲିଙ୍ଗନ କରିବାକୁ, ହେଲେ ଏ ପରିସ୍ଥିତି ର ଅନୁମତି ନଥିଲା। ଆଶାଥିଲା ସମୁଦ୍ର ବେଳାଭୂମି ରେ ବାଲି ଘରେ ରହିବାକୁ, ହେଲେ ଏ ଢେଉର ଅନୁମତି ନଥିଲା। ଇଛା ଅଛି ତମ ପାଦତଳେ ମଥାନତ କରି ସମୟ କୁ ବିଦାୟ ଦେବାକୁ, ହେଲେ ଜଣାଅଛି ତୁମର ଅନୁମତି ନଥିବ।

ଅପେକ୍ଷାରତ ମୁଁ କ୍ଳାନ୍ତ ବାଟୋଇ ଟେ ଜୀବନ ରେ ଶାନ୍ତି ପାଇଁ, ଉତ୍ତାଳ ତରଙ୍ଗ ଆସିପାରିବୁ କି ସୁଖ ଶାନ୍ତି ଟିକେ ନେଇ? ତୋ ଢେଉରେ ତୁହି ଭସାଇଣ ନେବୁ ମୋର ସବୁତକ କଷ୍ଟ, ସେଇ ଆଶାରେ ମୁଁ ଅପେକ୍ଷା କରିଛି ମୁଁ ପରା କ୍ଳାନ୍ତ ପଥିକ....