"બેશક કવિતાઓ લખવામાં કાઢી છે અમે જિંદગી, કાગળ અને કલમથી ખુદા બખૂબી કરી છે તારી બંદગી..."

"ખંજર ઉતરી ગયા છે હૃદય મહીં, હવે રક્તને વહેવા દો... વર્ષો બાદ આજે તૂટ્યું છે મૌન, હવે વ્યથાઓ કહેવા દો..." -નાસિર મોમીન 'પ્રેમનિર્ઝર'

"લખી નાખું કવિતા, કે આજે યાદ આવી છે સનમની, હૈયામાં ફરી ઉપડી છે પીડા આજે એમના જખમની." - નાસિર મોમીન 'પ્રેમનિર્ઝર'

"જેને કદર નથી તમારી એની માટે તમે રડો છો, જેને કદર છે તમારી એને જ તમે રડાવો છો, બસ એજ નથી સમજાતું તમે આમ શા માટે કરો છો." - નાસિરહુસૈન મોમીન 'પ્રેમનિર્ઝર'

'પ્રકૃતિના રૂપનો વૈભવ ધરા પર વિખરાયો, ડાળે- ડાળે ભ્રમર-પુષ્પના પ્રણયનો રંગ રેલાયો, આ વસંતકાળે હું અભાગી વિરહના વમળમાં ફસાયો, ચોતરફ બધું શુષ્ક ભાસે, કે જીવનના બપોરે મને અંધકાર દેખાયો' - નાસિર મોમીન 'પ્રેમનિર્ઝર'

"કેસૂડે કોકિલા રૂડા ગાન કરે વસંતના, પણ અહીં આંસુડાં સરે આંખેથી વિરહના, વ્યાપ્યો અંધાર કે આથમ્યા સૂરજ ઉમંગના, પછી શા ઉત્સાહ વસંતના?" - નાસિર મોમીન 'પ્રેમનિર્ઝર'