ବୁଝେଇ କୁହ ସେ ବିଜ୍ଞ ବୈଜ୍ଞାନିକ
ବୁଝେଇ କୁହ ସେ ବିଜ୍ଞ ବୈଜ୍ଞାନିକ
ବୁଝେଇ କୁହ ସେ ବିଜ୍ଞ ବୈଜ୍ଞାନିକ
ପର୍ଶୁରାମ ବିଶ୍ୱାଳ
ହେ ପ୍ରଧାନମନ୍ତ୍ରୀ ଦେଶଦେଶ ବୁଲି ଦିଅ ମୋର ଏ ବାରତା
ଏ ବସୁଧା ଗୋଟି ଏକ ପରିବାର, ଯାଅନା ଭୁଲି ଏକଥା
କହୁଚି ଦେଶର ମୁଖିଆକୁ ଡାକି
ଜଗନ୍ନାଥ ଜଗତକର୍ତ୍ତା ।
କେତେ କେତେ ଦେଶ କରୁଚ ଭ୍ରମଣ, ଦେଉଚ ଭାଷଣ ବୁଲି
କୁହ ପରମାଣୁ ଶକତି ଲଗାନ୍ତୁ ସମାଜକଲ୍ୟାଣେ ଖାଲି
ହିରୋସୀମା, ନାଗାସାକି ବିଭୀଷିକା
ମନେ ପକେଇ ସର୍ବଥା ।
ବୁଝେଇପାରିଲେ ବଡ଼ ବଡ଼ ଶକ୍ତି ଯେ ଅଛି ଏଇ ଦୁନିଆ
ତୃତୀୟ ସେ ବିଶ୍ୱଯୁଦ୍ଧ ହେବନାହିଁ, ଲାଗିବ ନାହିଁରେ ନିଆଁ
ଛାଡ଼ିବେ ତାଙ୍କର ଗରବ ଦମ୍ଭଟି
ଏକଥା ନୁହେଁ ଅନ୍ୟଥା ।
ଡିଜେଲ, ପେଟ୍ରୋଲ, କୋଇଲା ଯେ ଅଭ୍ର ଯେତେ ସେ ଖଣିଜ ଚିଜ
ସରି ସରି ଯାଏ, କି କରିବ ଆଜି ଏଇ ମଣିଷ ସମାଜ
ପରମାଣୁ କାମ କରୁ ତା ଜାଗାରେ
ବଳଦିଯାଉ ବ୍ୟବସ୍ଥା ।
ବୁଝେଇ କୁହ ସେ ବିଜ୍ଞ ବୈଜ୍ଞାନିକ କରି ତମେ ସମ୍ବୋଧନ
ଆଗେଇ ଆସନ୍ତୁ ଜନସେବା ପାଇଁ, ଯା’ର ପରମାଣୁ ଜ୍ଞାନ
ଖୁସିରେ ରହିବ ବିଶ୍ୱ ପରିବାର
ନଥିବ ଯୁଦ୍ଧ ଆଶଙ୍କା ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****