ସ୍ଵାଧୀନତା ଦିବସ
ସ୍ଵାଧୀନତା ଦିବସ
1 min
7.1K
ସ୍ଵାଧୀନତା ଦିବସ
ତ୍ରିରଙ୍ଗା ଉଡୁଛି ଉଡୁଥିବ ସଦା
ଆମରି ସ୍ଵାଧୀନ ଦେଶେ,
ହୃଦୟେ ଭରିଛି ଦେଶ ପ୍ରେମ ଆମ
ଜାତୀୟ ସଙ୍ଗୀତ ମୁଖେ ll ୧ ll
ଏକତାର ଆମ ବାଜୁଛି ଡଙ୍କାରେ
ଇତିହାସ ଅଛି ସାକ୍ଷୀ,
ଦେଶ ଗଲେ ଛାଡି ଫିରିଙ୍ଗି ବି ସତେ
ଏକତା ଆମର ଦେଖି ll ୨ ll
ସ୍ଵାର୍ଥର ଗାଣ୍ଡୀବ ଚାଲୁଅଛି ଆଜି
ସ୍ଵାର୍ଥେ ଅନ୍ଧ ପ୍ରାୟ ସତେ,
ଅନ୍ୟାୟ ବିରୋଧେ ଉଠାଇବା ସ୍ଵର
ଆସୁ ଝଡ ଝଞ୍ଜା ଯେତେ ll ୩ ll
ସମ୍ପର୍କ ଜଳୁଛି ସ୍ଵାର୍ଥର ଚୁଲିରେ
ବିବେକ ପଡିଛି ଗାତେ,
ଅନ୍ୟାୟର ପାଶେ ମୁଣ୍ଡକୁ ନୁଆଁଇ
ରହିବା ଆଉ ବା କେତେ ll ୪ ll
ଆସ ଆଜି ଏହି ପୁଣ୍ୟର ଦିବସେ
ଶପଥ କରିବା ମିଶି,
ତ୍ରିରଙ୍ଗାକୁ ରଖି ସାକ୍ଷୀ
ନୂତନ ଭାରତ ଗଢିତୋଳିଦେବା
ହୃଦେ ସ୍ନେହ ନେଇ ପ୍ରୀତି ll ୫ ll
ସୁବାସ ଦାଶ
ବେରବୋଈ,ବଳଙ୍ଗା, ପୁରୀ
ଦୂରଭାଷା,,୮୬୬୦୩୨୯୬୧୮