ଶ୍ରୀପତିତପାବନ
ଶ୍ରୀପତିତପାବନ
1 min
13.8K
ॐॐॐॐॐॐॐॐॐॐॐॐॐॐॐ
ଧୀରଧାରୀ ଅଧୀରହାରୀ ହେ ରାଧାମୋହନ ,
ହରହରି ଦୁଃଖହାରୀ ହେ ଯଶୋଦାନନ୍ଦନ ।
ତୁମ ଇଙ୍ଗିତ ଜୀବନ ସଙ୍ଗୀତ ହେ ନାରାୟଣ ,
ସତ୍ୟେ ଅଙ୍କିତ ଚିର ଚିତ୍ରିତ ହେ ଶୁଭ କାରଣ ।
ରୂପ ଅପରୂପ ସତ୍ୟ ସରୂପ ହେ ଭଗବାନ ,
ଶକ୍ତି ଅମାପ ଭକ୍ତିର ସମୀପ ହେ ଚକାନୟନ ।
ନାମ ସଂକୀର୍ତ୍ତନ କରନ୍ତେ କୁଜନ ହେ ଚିରନ୍ତନ ,
ଶୋକ ହରଣ କରି କରୁ ପାଳନ ହେ ମୋହନ ।
ଧର୍ମ ନାବିକ ନିୟତି ନିର୍ଦ୍ଧାରକ ହେ ଭକତଧନ ,
କର୍ମ କାରକ ଭାଗ୍ୟ ନିୟାମକ ହେ ଚିର ସ୍ୱାଧୀନ।
ଅନିତ୍ୟ ଜଗତ ମାୟା ରଚିତ ହେ ନିତ୍ୟନବୀନ ,
ପ୍ରାଣ ସମର୍ପିତ ମନେ ମଣ୍ଡିତ ହେ କାଳୀୟଗଞ୍ଜନ ।