ବଦଳେଇଦବୁ ମୋ ପ୍ରାଣନାଥ
ବଦଳେଇଦବୁ ମୋ ପ୍ରାଣନାଥ
ବଦଳେଇଦବୁ ମୋ ପ୍ରାଣନାଥ
ପର୍ଶୁରାମ ବିଶ୍ୱାଳ
ହେ ଦୀନବନ୍ଧୁ କାଳିଆ ଠାକୁର ଗିରି ଗୋବର୍ଦ୍ଧନ ଧାରୀ
କଅଣ ୟାଙ୍କର ହେଇଚି କେଜାଣି କିଛି ମୁଁ ପାରୁନି ବାରି
ଦିନରାତି ଖାଲି ଟଙ୍କା, ଜମି, ଜାଗା
ନିଘାରେ ହୁଅନ୍ତି ଘାରି ।
ଚାକିରିରେ ଲାଞ୍ଚ ନେଉଥିଲେ ବୋଲି ପୋଲିସିରେ ଧରାହେଲେ
ଛଅମାସକାଳ ଜେଏଲ ଭୋଗିଲେ, ଚାକିରି ବି ହରେଇଲେ
ତେବେ ବି ୟାଙ୍କର ଚେତା ପଶୁନାହିଁ
ମାନ ମହତଟି ସାରି ।
ଭାରିଜା ବୋଲି ମୁଁ ସୁଖଦୁଃଖ ଦିନେ ହେଇନାହିଁ ଦୁଇଧାଡ଼ି
ପିଲା ନାହିଁ ବୋଲି ମନ-କପୋତଟି କାନ୍ଦୁଅଛି ମୁଣ୍ଡକୋଡ଼ି
ଏଣେ ଟଙ୍କା ପାଇଁ କେତେ ନାଟକ ମୁଁ
ଦେଖିବି କହ ଶ୍ରୀହରି !
ବଦଳେଇଦବୁ ମୋ ପ୍ରାଣନାଥ ତୁ ସତେ ଜଗନ୍ନାଥ
ତୋ ନୀଳଚକ୍ରରେ ବାନ୍ଧିଦେବି ଜଗା ଗୋଟେ ସେ ନାଲିଆ ନେତ
ତା ନହେଲେ ରଶି ଦେବି ମୁଁ କହୁଚି
ନହେଲେ ନଈ ପୋଖରୀ ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****