ମହିଳା ଶକତୀକରଣଟି ଲୋଡ଼ା
ମହିଳା ଶକତୀକରଣଟି ଲୋଡ଼ା
ମହିଳା ଶକତୀକରଣଟି ଲୋଡ଼ା
ପର୍ଶୁରାମ ବିଶ୍ୱାଳ
ଜଣେ ଏଠି କରେ ରୋଜଗାର ପ୍ରଭୁ, ବସି ଖାଏ ଦଶଜଣ,
ଓଡ଼ିଶା ଗରିବ ବାଜୁଅଛି ବାଜା, ଇଏ ବି ଗୋଟେ କାରଣ,
ମହିଳା ଶକତୀକରଣଟି ଲୋଡ଼ା
ଆରେ ମୋ କଳାବଦନ ।
ନାରୀଶିକ୍ଷା ପାଇଁ ବଢ଼ିଚି ଏ ଦେଶେ ନାରୀର ଆତ୍ମସମ୍ମାନ,
ପ୍ରଶାସନ ଆଉ ପୁଲିସ୍, ବ୍ୟାଙ୍କ ସବୁଠି ତା’ର ଆସନ,
ଘରୋଇ ମହିଳା ଘରକୋଣେ ବସି
ଚୁଲି ଫୁଙ୍କି ଯାଏ ଦିନ ।
ମହିଳାଟି ଯେବେ କରେ ରୋଜଗାର, ସ୍ୱାମୀ ରୋଜଗାର ଛାଡ଼ି,
ତା ଘରସଂସାର ନାଆଟି ଚାଲିବ ଭଲରେ ସେ ଗଡ଼ିଗଡ଼ି,
ତା’ର ସ୍ୱାଧୀନତା ହୋଇବ ଅକ୍ଷୁଣ୍ଣ
ନାହିଁ ନିର୍ଯାତନା ଜାଣ ।
କହିଦେ କାଳିଆ ଏ ନାରୀଜାତିକି, ହୁଅନ୍ତୁ ସେ ଆଗୁସାର,
ବାଛିନିଅନ୍ତୁ ସେ କି କାମ କରିବେ, ଯାହା ଦିଏ ସରକାର,
ନିଜ ହାତପାଣ୍ଠି ବଢ଼େଇବେ ସିଏ
ଯିବ ତା ଘର ଦୁର୍ଦ୍ଦିନ ।
ବୁଝେଇ କହିଦେ ସରକାରକୁ ତୁ, ଆରେ ମୋ କଳାଠାକୁର,
ମହିଳା ଶକତୀକରଣ ପାଇଁକି ଯୋଜନା କରୁ ଅପାର,
ଦଅଶ ଖାଉଚି, ଜଣେ କମାଉଚି
ଏ କଥାଟି ହେଉ ଲୀନ ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****