આવડી ગયું છે

શું ફરક પડે હવે શ્વાસ લેવા કે ના લેવાથી ?

બધાંની ખુશીમાં ખુશ રહેતાં આવડી ગયું છે.

પાનખર હોય કે વસંત શું ફરક પડશે ?

બધાંના સ્વભાવમાં ખુદને ઢાળતાં આવડી ગયું છે.

વાંસળી ને મોરપીંછ ના હોય તો શું ફરક પડશે ?

મને એ શ્યામ વગર જીવતાં આવડી ગયું છે.

કાગળને કલમની કોને જરૂર છે હવે ?

શબ્દો વગર બધું સમજતાં આવડી ગયું છે.

ના કર ફિકર સ્વાર્થી લોકોની 'અનેરી'

માણસોને પણ રંગ બદલતાં આવડી ગયું છે.