କନ୍ୟାଭ୍ରୁଣ

କନ୍ୟାକୁ କହନ୍ତି ଘରର ଲକ୍ଷ୍ମୀ

ଘରକୁ ଦିଶେ ସୁନ୍ଦର,

ଦୟା, କ୍ଷମା, ସହନଶୀଳତା

ଏହି କାମଟି ତାହାର।

କନ୍ୟାଟି ନାହିଁ ଅବହେଳା ଯେ

ନାହିଁଟି ସେ ଦୁର୍ବଳା,

ବିପଦେ ସିଏ ମାଁ ଦୁର୍ଗା ପରି

ସୁଖରେ ହୁଏ କମଳା।

କନ୍ୟା ନ ଅଟଇ ଘୃଣାର ପାତ୍ରୀ

ସେ ବିନମ୍ରତା ର ପ୍ରତୀକ,

କନ୍ୟାଭ୍ରୁଣ କୁ ସୁରକ୍ଷିତ ରଖି

ପାଇବାକୁ ଦିଅ ଏ ମାଟିର ମହକ।

କେତେ ସତୀ, ବୁଦ୍ଧିମତୀ, ବୀର ଜନନୀ ହୋଇ

ହେଲେ ଜନମ,

ସେଭଳି ନାରୀ କନ୍ୟାକୁ ଫିଙ୍ଗିବା

ନୁହଁଇ ପରା ଧରମ।

କନ୍ୟା ସନ୍ତାନର ଲାଳନ କରି

ପହଞ୍ଚାଇ ଦେବା ଶିକ୍ଷାର ପାଶେ,

ପୁରୁଷ, ମହିଳା ଉଭୟେ ସମାନ

ଏ ମହିମଣ୍ଡଳ ଦେଶେ।