ତ୍ରାତା

ସମସ୍ୟାର ଢେଉ ତଳେ

 ଚାପି ଗଲା ବେଳେ 

ଆପ୍ରାଣ ଉଦ୍ୟମ କଲି 

ବଞ୍ଚିବାକୁ ମଥା ଟେକି

 ଜୀଵନ ବିକଳେ 

ସ୍ମିତହସି କହିଗଲ ଧୀରେ 

ଲଇଁ ଯା ତୁ  ଆରେ 

ଆଶ୍ଚର୍ଯ୍ୟ, ଚକିତ ହେଲି 

ତଥାପି ଲଇଁଲି 

ଚାଲିଗଲା ଢେଉ ମୋର 

ମଥା ପର ଦେଇ 

ଉତ୍ତ୍ୱୁରିଲା ସମସ୍ୟାର ଘେର 

ଆହ୍ଲାଦିତ ହେଲା ପ୍ରାଣ 

ଆଖି କୋଣୁ ବୋହି ଗଲା 

ଆନନ୍ଦର ଅଶ୍ରୁ 

ହୋଇ ଶତ ଧାର ||

ବିଗଳିତ ହୃଦ ଆଉ 

ଲୋତକର ଧାରେ 

ଜୋଡ ହସ୍ତେ 

ଵାଢ଼ିଲି ପ୍ରଣତି 

ଏଡ଼େ ବଡ ସଖା ଯାର 

ଏତେ ପାଶେ 

ରହିଛନ୍ତି ନିତି  

ଶୁଣୁଛନ୍ତି କାନ ପାତି 

ଭକ୍ତର ମିନତୀ 

କିଏ ଆଉ ଲୋଡା ମୋର 

ତରିଵା କୁ ସଂସାର ବାରିଧି?