ସେମାନେ ଓ ମୁଁ
ସେମାନେ ଓ ମୁଁ
ପ୍ରଥମେ ସେମାନେ ଆସିଲେ
ଏଫ୍.ଟି. ଆଇ ଛାତ୍ରଙ୍କ ବିରୋଧରେ
ମୁଁ ଶିହରି ଉଠିଲି, ବିବେକ ବି ପ୍ରତିବାଦ କଲା
ଆମ ପିଲାଏ କହୁ ନାହାଁନ୍ତି ଭୁଲ
ତେଣୁ ତାଙ୍କ ସ୍ଵରରେ ସ୍ଵର ମିଳାଇଲି
କାରଣ, ମୁଁ ଜଣେ ପ୍ରଗତିକାମୀ ॥
ତାପରେ ସେମାନେ ଆସିଲେ
ଜେ.ଏନ୍.ୟୁ ଛାତ୍ରଙ୍କ ବିରୋଧରେ
ତାଙ୍କର ଦେଶଦ୍ରୋହୀ ଆଖ୍ୟା ପ୍ରତିବାଦରେ
ମୁଁ ବି ଧରିଲି- ଆଜାଦୀ,ଆଜାଦୀ ନାରା
କାରଣ, ମୁଁ ଜଣେ ସ୍ଵାଧିନତାକାମୀ ॥
ଏହାପରେ ଏମାନେ ଦିଲ୍ଲୀ, ଆଲିଗଡ଼
ବିଶ୍ଵ ବିଦ୍ୟାଳୟରେ ଆତଙ୍କ ଖେଳାଇଲେ
ମୁଁ ଗୁରମିତ୍ ର ସ୍ଵରରେ ସ୍ଵର ମିଳାଇଲି
"ଭୟ କରେନା ଏବିଭିପିକୁ"
"ପାକିସ୍ଥାନ ନୁହେଁ ଯୁଦ୍ଧ ମାରିଛି
ମୋର ଜନ୍ମଦାତା ବାପାଙ୍କୁ"
କାରଣ, ମୁଁ ଜଣେ ମାନବତାବାଦୀ ॥
ତାପରେ ହାଇଦ୍ରାବାଦ,ବନାରସ ବିଶ୍ଵ ବିଦ୍ୟାଳୟେ
ବର୍ବର ଆକ୍ରମଣର ରଚିଛନ୍ତି ଇତିହାସ
ଶହୀଦ ବନିଛନ୍ତି ଭେମୁଲା, ଡାଭୋଲକର
ପାନସାରେ, କଲବର୍ଗୀ,ଗୌରୀ ଲଙ୍କେଶ
ଅଖଲାକ, ପେହଲୁ,ଜୁନେଦମାନେ ॥
ପ୍ରତିବାଦ ଜୁଆରରେ ମୁଁ ତ ସାମିଲ
ବନ୍ଦ ହେଉ ଏହି ଅତ୍ୟାଚାର
ମାନବତା ବିରୋଧୀଙ୍କ ବିରୋଧରେ ଠିଆ ହେବା
ଜଣେ ସମତାକାମୀର ପରମ କର୍ତ୍ତବ୍ୟ ଅଟେ ॥