ସ୍ଵାମୀ ଓ ସ୍ତ୍ରୀ
ସ୍ଵାମୀ ଓ ସ୍ତ୍ରୀ
1 min
7.0K
ଦୁଇଟି କବିତା
(ସ୍ତ୍ରୀ)
କେତେବେଳେ ଶାଶୁର ଗଞ୍ଜଣାରେ
କେତେବେଳେ ନଣନ୍ଦର
ଟାହି ଟାପରରେ
କେତେବେଳେ ଛୁଆଙ୍କ
ଅଳି ଅର୍ଦ୍ଦଳିରେ
ତ କେତେବେଳେ ତେଲ ଲୁଣ ସଂସାରରେ
ନିଜକୁ ଜାଳି ସଭିଙ୍କୁ ଆଲୋକ ଦେଉଥିବା
ଛୋଟିଆ ସଳିତା ଟିଏ
(ସ୍ୱାମୀ)
କେତେବେଳେ ବସ୍ ଙ୍କ ନାଲି ଆଖିରେ
କେତେବେଳେ ତେଜରାତି ଦୋକାନରେ
କେତେବେଳେ ପିଲାଙ୍କ
ଟିଉସନ ଫି ରେ
ତ କେତେବେଳେ ବାପା ମାଙ୍କ
ଔଷଧ ରେ
ନିଜକୁ ବିକି ସଳିତାକୁ ଜଳାଉଥିବା
ବଡ଼ ଘିଅ ଡବା ଟିଏ