ରଥଯାତ୍ରା

ଶରଧାବାଲିକୁ କୃପାସିକ୍ତ କରି

ରତ୍ନବେଦୀ ରୁ ଜନ୍ମବେଦୀ

ଜନ୍ମବେଦୀ ରୁ ରତ୍ନବେଦୀ

ଅନୁଲୋମ ବିଲୋମ କ୍ରମେ

ଆର୍ତ୍ତ ପତିତ ଉଦ୍ଦାର ଲାଗି

ପୂର୍ଣ୍ଣବ୍ରହ୍ମ ର ରଥଯାତ୍ରା ।

ହୃଦୟର ନିଭୃତକୋଣରୁ

ଅନନ୍ତ ବ୍ରହ୍ମାଣ୍ତ ଯାଏଁ ବ୍ୟାପ୍ତ

ଆଉ ସ୍ପନ୍ଦିତ ଏ ଯାତ୍ରା ।।

ଅଣୁ ପରମାଣୁ ଠୁ ଦେବାଦେବୀ

ଅଶରୀରୀ ଅମୋକ୍ଷ ଆତ୍ମା

ଚଣ୍ଡୀ ଚାମୁଣ୍ତୀ ସହ ଭକ୍ତ ସତତ

ତତ୍ପର ଆଉ ବ୍ୟଗ୍ର ଆତୁର ଭାବେ

ନିଜ ପ୍ରିୟତମ ମନମୋହନ ଙ୍କ

ଟିକେ ଦର୍ଶନ, ସ୍ପର୍ଶନ ଅଥବା

ଜଣାଇବାକୁ ନିଜ ପ୍ରାଣର

ବ୍ୟଥା ବେଦନା........।।

ନୀଳାଦ୍ରିନାଥ ନିଜ ଲୌକିକ ଲୀଳାରେ

ହରିନିଅନ୍ତି ଆତୁରତା ଭରା ଦୁଃଖର ସାରାଶଂ

ଆଉ ଯାତ୍ରାର ଉଦଯାପନିରେ

ନିଜ ଅଧରସ୍ପର୍ଶ କରି ଆତିଥ୍ୟତାରେ

ଦିଅନ୍ତି ମୁନ୍ଦାଏ ମକରନ୍ଦ ମିଶା

ଅଧରପଣା.........।।