Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Krushnendu Hota

Children Stories


4.3  

Krushnendu Hota

Children Stories


ମହାମାରୀ ଓ ମୋ ସ୍ୱାଧୀନ ରାଷ୍ଟ୍ର

ମହାମାରୀ ଓ ମୋ ସ୍ୱାଧୀନ ରାଷ୍ଟ୍ର

1 min 8 1 min 8

ବ୍ରିଟିଶ ଶାସନେ ଥିଲା ଏ ଭାରତ

ସମସ୍ତଙ୍କ ଥିବ ମନେ,

ପୁଣି ଆମ ଦେଶ ହରାଇ ସ୍ୱାଧୀନ

ଅଛି ଭୂତାଣୁ ଅଧିନେ ।


ଆଜି ସିନା ଏଇ ମହାମାରୀ ପାଇଁ

ସମସ୍ତଙ୍କ ମୁଣ୍ଡ ବ୍ୟଥା,

ଇତିହାସ କହେ ମହାପୁରୁଷଙ୍କ

ସେହି ବିଜୟର ଗାଥା ।


କରୋନା ନାମରେ ଆସିଛି ଭୂତାଣୁ

ବ୍ୟାପୁଅଛି ସାରା ଦେଶେ,

ଧନୀ କି ଗରିବ କାହାକୁ ଛାଡୁନି

ଯାହାକୁ ପାରିଲେ ଗ୍ରାସେ ।


ଏହି ମହାମାରୀ ତାଣ୍ଡବ କରୁଛି

ସାରା ବିଶ୍ୱ ଥରହର,

ସବୁକ୍ଷେତ୍ର ପୁଣି ଅସନ୍ତୋଷ ଆଜି

ସବୁଦିଗେ ହାହାକାର ।


ସୁରକ୍ଷାକର୍ମୀ ଓ ଡାକ୍ତର ପୋଲିସ

ନିଜକୁ ସଂଗ୍ରାମୀ ସାଜି,

ଲଢୁଛନ୍ତି ଆଜି କରୋନା ସାଥିରେ

ଦେଇ ଜୀବନକୁ ବାଜି ।


ସ୍କୁଲ କଲେଜରେ ପଡ଼ିଅଛି ତାଲା

ପାଠପଢା ହେଉନାହିଁ,

ମନ୍ଦିର ସେମିତି ବନ୍ଦ ପଡିଥିବ

କରୋନା ପ୍ରକୋପ ପାଇଁ ।


ଆଜି ଏହି ବେଳାଘଡିରେ ଆମେରେ

ପ୍ରତିଜ୍ଞବଦ୍ଧ ହୋଇବା,

ସରକାର ଯୋଉ ନିୟମ କରିବେ

ସମସ୍ତେ ମାନି ଚଳିବା ।


ଫରଫର ଉଡେ ତ୍ରିରଙ୍ଗା ପତାକା

ଜାତିର ଗରବ ଧରି,

କହେ ଲଢ଼ିଚାଲ ସର୍ବେ ଭାରତୀୟ

ପଳେଇବ ମହାମାରୀ ।



Rate this content
Log in