ମା ତୁ ଆସିଛୁ ବୋଲି
ମା ତୁ ଆସିଛୁ ବୋଲି
1 min
414
ଗାଆଁ ଠୁ ସହର ସବୁଠି ଶୁଭୁଛି
ମାଆ ମାଆ ଡାକ ତୋର
ସତେ ତୁ ଆସିଲେ ମାଆ ଏ ଧରାକୁ
ଦୁଃଖ ହୋଇଯିବ ଦୂର ।
ଗାଆଁ ଠୁ ସହର ଅନାଥ ପିଲାର
ପୁରିଯିବ ଲୋ ମା ପେଟ
ଦୁଃଖି ରଙ୍କିଙ୍କର ଆଖିର ଲୁହକୁ
ପିଇବନି ଆଉ ଓଠ ।
ଧରଣୀ ମାଆର କିଛିଦିନ ମୁହେଁ
ପୁଣି ଯେ ଫୁଟିବ ହସ
ମାଆ ତୋତେ ଡରି ଅମୃତ ବଦଳେ
ପାପୀ ଯେ ପିଇବେ ବିଷ ।
ଧର୍ମ ବନ୍ଧା ପଡେ ଅଧର୍ମର ହାତେ
ସେ କଥା ବୁଝୁଛି କିଏ
ପାପର ହିସାବ ମିଳେ ନାହିଁ ଏଠି
ପୁଣ୍ୟ ଫଳ ଶୂନ ହୁଏ ।
ଆସିଲେ ମାଆ ତୁ ନୂଆ ଆଶା ଉଠେ
ସଭିଙ୍କ ମନରେ ଚେଇଁ
ଫୁଲ ଫଳେ ପୂଜା ଥାଳିକୁ ସଜାଇ
ସଭିଏଁ ଅଛନ୍ତି ଚାହିଁ ।
ମାଆ ଜଗତ ଉଦ୍ଧାର ପାଇଁ ।